عياتو الحرب د إسرائيل على غزة.. رئيس ميريكان مقدرش يمشي لدبي باش يحضر لقمة المناخ

قالت صحيفة "نيويورك تايمز" الميريكانية أن الرئيس الميريكاني جو بايدن ماغاديش يحضر لقمة المناخ لي غادي تكون نهار الخميس الجاي في دبي الإماراتية.
هاد الجورنال نقل على مصدر صحيح من البيت الأبيض القول ديالو بأن الرئيس ديال ميريكان، هو لي طلب أن الاسم ديالو ميكونش فالليستا ديال الحضور.
وفالوقت لي معلنش فيه الرئيس الميريكاني بشكل صريح على الأسباب، كيقول واحد المصدر مقرب منو بأن الحرب ديال إسرائيل على غزة نهكاتو بزاف، وكيبان أن السيد خاصو يرتاح حيت عيا مزيان.
كان بايدن حضر 2 ديال القمم د المناخ منين وللا رئيس ديال ميريكان عام 2021.