طبيب الرئيس الميريكاني السابق كيطمأن الميريكانيين.. صحتو مزيانة ونقص الوزن بعدما دار ريجيم قاصح

قال الطبيب الميريكاني بروس أرونوالد، لي هو الطبيب الخاص ديال الرئيس الميريكاني السابق دوالد ترامب، أن هاد الأخير بصحة مزيانة ومستاعد يرجع ينافس فالانتخابات الرئاسية د ميريكان الجاية.
هاد الطبيب قال أن ترامب، لي عندو 77 عام، نقص مزيان ف الوزن ديالو، حيت متبع ريجيم قاسح، وديما كيتحرك وكيدير الرياضة وهو دابا ف صحة مزيانة.
كيجي هادشي في الوقت لي ولاو الميريكانيين مخلوعين من صحة ترامب لي يقدر ينافس بقوة على الرئاسة د ميريكان، خاصة وأن الصحة ديال الرئيس ديالهم دابا جو بايدن ماشي حتى لهيه.
الطبيب الميريكاني، قال كذلك أن ماشي غير الصحة الجسدية ديال الترامب لي مزيانة، راه حتى الصحة الذهنية ديالو واعرة، بعدما نجح ف الاختبارات لي دارها ليه.