البرازيل علنات إصابة وزير دار اجتماع مع ترامب بفيروس “كورونا”

قال مكتب الاتصالات فالرئاسة بالبرازيل، اليوم الخميس، بللي وزير الاتصالات فابيو واجنجارتن، اللي كان تلاقا الرئيس الميريكاني دونالد ترامب، تقاس بفيروس “كورونا”، بعد ما دار التحليلة ديال الفيروس المرة الثانية.
وحط الوزير اللي ضربو “كورونا” تصويرة ليه مع ترامب فموقع “أنستكَرام”، من بعد ما دار زيارة لميريكان فالسيمانة اللي فاتت.
وعلمات البرازيل ميريكان بأصابة الوزير، باش يتم اتخاذ الإجراءات الضرورية الاحترازية باش يحافظو على صحة رئيس ميريكان.
وكان ترامب قال فتصريح للصحافة بللي هو كاع مادار التيست د”كورونا”، حيت ماظهرات عليه حتى شي أعراض، وقال “بلاش من هذشي، أنا فصحة مزيانة”.