صحاب النجمة المريكانية جينيفر أنيسون مخلوعين عليها بزاف.. كيقولو أنها كتمر من أزمة نفسية بعد وفاة ماثيو بيري

الأبطال ديال مسلسل فراندز الميريكاني المعروف، مخلوعين بزاف على الحالة النفسية ديال الممثلة الميريكانية جينيفر أنيسون، بعد الموت المفاجئة ديال الزميل ديالها ماثيو بيري.
ماثيو بيري كانو لقاوه السيمانة لي فاتت ميت في الحمام ديال دارو، ومزال التحقيقات خدامة باش تكشف على سبب هاد الموت ديالو.
على حساب ماقالت الصحافة الميريكانية، الممثلة كتمر من أزمة نفسية خايبة بزاف، وشافوها فواحد الحالة غير مطمئنة بالمرة.
هاد الصدمة ماشي هي الأولى لي تعرضات ليها نجمة هوليود الميريكانية، حيت أقل من عام هادي باش مات ليها باها.