بدات كتقاقي عاود من الشينوا.. رصدو أول حالة إصابة ب"أنفلونزا الطيور" من سلالة "H3N8"

خبر خايب جاي من الشينوا عاوتاني. اليوم الأربعاء تم الإعلان على رصد أول حتلة إصابة فالعالم ديال "إنفلونزا الطيور" من سلالة "H3N8".
وسائل إعلام قالت بللي هاد الإصابة تسجلات عند دري فعمرو 4 سنين فمدينة "تشوماديان"، مشيرة إلى أن هاد الطفل تصاب بسبب الاختلاط ديالو بطير أليف، وتهز فحالة صحية خايبة للصبيطار باش يتعالج.
وحسب التقييمات الأولية، كيف قالو فالصين، فإن سلالة "H3N8" ماقادراش حتى الآن على إصابة البشر على نطاق واسع، وبالتالي لا يزال خطر وباء واسع النطاق منخفضا.