استنفار صحي بفاس بسبب “إنفلونزا الخنازير”..

omarelmouzaine@gmail.com
تعيش مختلف المصالح الصحية بالعاصمة العلمية فاس حالة من الاستنفار، بعدما ظهرت حالة جديدة ديال “إنفلونزا الخنازير” المعروفة ب(H1N1). هاد الحالة ديال واحد السيدة كانت تسجلات على المستوى ديال المركز الاستشفائي الجامعي الحسن الثاني.
ووفق ما كشفت عنه مصادر مطلعة، ل”كود”، فإن واحد السيدة كانو هزوها فحالة حرجة للمستشفى الجامعي بفاس يوم السبت الماضي، وتبين أنه مصابة بهاد الفيروس الخطير، قبل أن تلفظ أنفاسها الأخيرة صباح أمس الأربعاء.
وكشفت المصادر نفسها، ل”كود”، أن العائلة ديال هاد السيدة حتى هي مشات للصبيطار باش تتأكد من مدى إصابتها بهاد الفيروس.
لي كاين دبا أن الوزارة ديال الصحة مزال مابغات تقول للرأي العام الحقيقة. وحتى المسؤول على التواصل فوزارة الدكالي شد التليفون ديالو على الصحفيين. هنا كاين القضية فيها “إنا”.