أنباء على اصابة طبيبة بانفلونزا الخنازير ووزارة الصحة ساكتة

omarelmouzaine@gmail.com
بعد الوفاة ديال واحد السيدة بعد إصابتها بداء “إنفلونزا الخنازير” المعروف ب(H1N1)، علمت “كود” أن حالة أخرى تسجلات وهاد المرة ف العاصمة ديال النخيل مراكش، حيث أصيبت بهاد الفيروس الخطير اصاب واحد الطبيبة.
ووفق ما كشفت عنه مصادر “كود”، فإن هاد الطبيبة تم استقبالها أمس الثلاثاء بالمركز الاستشفائي الجامعي ، وتخضع حاليا للمراقبة الطبية. هاد الحالة زادت بزاف ديال التخوف عند المصالح المركزية ديال وزارة الصحة لي مزالة ساكتة لحدود الساعة.
وقالت مصادر طبية، ل”كود”، أن الوزارة ديال الصحة تستدعي منها توضيح اي صغيرة وكبيرة على هاد المرض. لكن مع كامل الآسف الوزارة ضيعفة وناسعة مع راسها وممسوقاش كاع.
يشار إلى أن “كود” كانت عيطات بزاف ديال المرات للمسؤول على التواصل ف الوزارة للتاكذ من الخبر و لكن السيد كيرفض يهضر مع الصحافة.