عاود واحد “بولحية” خلع الناس ففاس ومصدر أمني ل”كود”: مريض عقلي و ديناه لصبيطار ديال الحماق

omarelmouzaine@gmail.com
بعد أيام قليلة من توقيف واحد الملتحي كانو عندو أسلحة بيضاء، وقالو شي ناس ففاس أنه كان باغي يستهدف بيهوم سياح بدرب السراج بالمدينة العتيقة، علمت “كود”، ان زنقة الزربطانة بحي البطحاء، شهدت مساء اليوم السبت، استنفار أمني بسبب شي ملتحي.
ووفق ما كشف عنه شهود عيان، ل”كود”، فإن هاد الشخص لي عندو اللحية كان كيردد شي عبارات دينية لكن ممعوفش الهدف منها والظروف ديالها فداك الطريقة. المهم البولس شكو فيه وتم داوه إلى مصلحة ديمومة المنطقة الأمنية الأولى.
من جهته، أوضح مصدر أمني، ل”كود”، هاد الشخص كيعاني من خلل عقلي، وتمت إحالته على مستشفى إبن الحسن للأمراض العقلية، نافيا بشكل مطلق أن يكون له علاقة بالتطرف او بتهديد شي حد.