عندو 3 سنين.. دري توضر 3 أيام وسط الغابة ولقاوه البوليس طايب بليكوش – فيديو

دري صغير عندو 3 سنين توضر لمدة 3 أيام وسط الغابة، وعائلتو كانت غادي تحماق.
هادشي وقع في أستراليا، ونشرات "خدمة الطوارئ" من بعد فيديو كيبان فيه الدري وهو كيحاول يشرب من الما مسخن.
وكانو المئات من الناس عاونو فعملية البحث على Anthony "AJ" Elfalak، اللي مصاب بالتوحد ومزال ماكيتكلمش، من الساعة اللي تعلن بللي توضر من دارهم القريبة من ڤيلاج "پوتي" (Putty)، شمال سيدني، في وقت متأخر من صباح الجمعة. وكلشي فرح فاش تعلن أنهم لقاوه حي.
الولد هزوه على وجه سرعة للصبيطار، ولقاو أن الجلد ديالو طاب بزاف بليكوش وكان مقموش في نفس الوقت.