برشيد ربحو الماص وشعلوها فالترتيب

حقق فريق يوسفية برشيد رباح مهم اليوم السبت فالتيران ديالو على المغرب الفاسي، برسم الدورة 10 من البطولة الاحترافية لكرة القدم.
ماتش يوسفية برشيد والمغرب الفاسي سالا لمصلحة ولاد حريز بنتيجة واحد لزيرو، وهو الهدف اللي ماركاه اللاعب صلاح السلامي فالدقيقة 61، وما قدروش الماص يتعادلو واخا برشيد كملو الماتش ناقصين بلاعب بعدما تطرد لهم محمد جونسون فالدقيقة 85.
الرباح ديال يوسفية برشيد خدا به الفريق 3 نقاط ورفع بها الرصيد ديالو إلى 7 نقاط وطلع من المركز الأخير إلى المركز 13 مؤقتا وشعل المنافسة فأسفل الترتيب، اما المغرب الفاسي تجمد الرصيد ديالو عند 13 نقطة وكيحتل المركز المركز الثامن.