المغرب الفاسي خسر مع طنجة.. والمصاويين كيسولو: واش انتقلد لقجع ولى طابو؟

واصل فريق إتحاد طنجة الصحوة ديالو وحقق رباح جديد في منافسات البطولة الإحترافية، وهذه المرة على المغرب الفاسي بمدينة فاس برسم الدورة 22.
Ad
00:01
/
00:36
Ad ends in 35s
الماتش اللي تلعب بتيران فاس الكبير بين المغرب الفاسي واتحاد طنجة، سالا لمصلحة الطنجاويين بنتيجة واحد لزيرو، وهدف الرباح ماركاه لإتحاد طنجة اللاعب سفيان المودن في الدقيقة 52.
وعرفت المباراة مواصلة جماهير المغرب الفاسي الاحتجاج على الجامعة الملكية المغربية لكرة القدم، وهذه المرة رفعت ميساج كتبت فيه: "واش انتقاذ لقجع أصبح طابو لا يجب الحديث عنه ؟!".
ومن بعد الرباح اللي حقق إتحاد طنجة على المغرب الفاسي رفع الفريق الطنجاوي الرصيد ديالو إلى 13 نقطة ومازال كيحتل المركز الأخير في البطولة، أما المغرب الفاسي فتجمد رصيدو عند 29 نقطة وكيحتل المركز 8.