حتى الممثلين ديال هوليود ضرباتهم الأزمة.. دارو إضراب طويل لتحسين الأجور وتوصلو لاتفاق تاريخي

تمكنو أخيرا، الممثلين ديال هوليود والاستوديوهات الكبار في ميريكان، باش يوصلو أخيرا لواحد الاتفاق لي بيه غادي يوقفو الإضراب ديالهم لي داروه طويل ولي ضر الاقتصاد ديال ميريكان بزاف.
على حساب ماقالت نقابة الممثلين سميتها ساغ-أفترا فهاد الإضراب غادي يوقف الخميس، بعدما توصلوا لواحد الاتفاق جديد المدة ديالو 3 سنين، والقيمة ديالو واصلة حتى لمليار دولار.
الممثلين د ميريكان لي دارو الإضراب ولي فيهم بعض المشاهير المعروفين، كانو كيطالبو بزيادة كبيرة في الحد الأدنى للأجور وتوفير ضمانات فداكشي د الذكاء الاصطناعي، وبغاو يديرو للمرة الأولى نظام مكافآت خاص بالأعمال لي كتعاود تعرض على منصات البث د الأنترنيت.
وعلى عكس ما كيظنو بزاف د الناس، فعدد كبير من الممثلين في هوليود كيتشكاو من مشاكل د الفلوس وعداد منهم مقدرش على التكاليف اليومية الثقيلة.