مارسليا باغيين المهدي بنعطية وها علاش معطلين فالتعيين ديالو

باغيين أولمبيك مارسليا الفرنسي يديرو المدافع المغربي السابق للفريق المهدي بنعطية مدير رياضي للنادي خلال المرحلة المقبلة، ولكن شي حاجة قانونية هي اللي معطلاهم.
وحسب جريدة "ليكيب" الفرنسية المشهورة، أن أولمبيك مارسليا باغيين يقادو شي حوايج قانونية مع المهدي بنعطية قبل ما يعينوه مدير رياضي، باش يتفاداو تضارب المصالح، حيث الكابيتان السابق للأسود خدام وكيل ديال اللاعبين.
الجريدة الفرنسية أكدت أن المهدي بنعطية هو الخيار المفضل بالنسبة لإدارة أولمبيك مارسليا، وما عندهمش مشكل يتسناو كثر باش يقادو معه الشغل واخا الميركاتو الشتوي مازال عليه غير شهرين.