مارسليا الفرنسي باغيين يخدمو المهدي بنعطية

قرب المهدي بنعطية الكابيتان السابق للمنتخب الوطني المغربي يخدم فأولمبيك مارسليا الفرنسي، خلال المرحلة المقبلة حسب ما كشفت عليه وسائل إعلام فرنسية.
ونشرت جريدة "laprovence" الفرنسية خبر، بلي النجم المغربي المهدي بنعطية اللي تكون فأولمبيك مارسليا الفرنسي وما كتابش له يرجع بختم فيه الكاريير ديالو قبل ما يعتزل، ممكن يرجع له دابا باش يخدم فيه مدير رياضي، وأن إدارة النادي كتفكر فيه، حيث كيبان لهم أنه البروفايل المناسب.
وخدام المهدي بنعطية دابا أجون ديال اللاعبين، وعندو وكالة فدبي د اللاعبين، اللي منهم لاعبين فالمنتخب الوطني المغربي بحال رومان سايس وعز الدين أوناحي هذا الأخير اللي كيلعب فأولمبيك مارسليا وراه بنعطية اللي داه عندهم.