أمين حارث توعت تاني مع اولمبيك مارسليا وما قدرش يكمل الماتش

توعت النجم المغربي أمين حارث لاعب اولمبيك مرسيليا الفرنسي فماتش الفريق ضد بريست الفرنسي، اللي بادي دابا ضمن الدورة 3 من البطولة الفرنسية لكرة القدم.
ومع بداية الشوط الثاني من ماتش الفريقين، توعت أمين حريث وطاح فالارض ودخل الطاقم الطبي ديال اولمبيك مارسليا اللي قلب له رجليه، وتبين له انه ما يقدرش يكمل الماتش وخرجوه.
ومازال أمين حارث ما تأنتيكراش مع الفريق، وكيحاولو اولمبيك مارسليا يرجعون شويا وبشويا حيث يالاه راجع من الاصابة الخايبة اللي كان تعرض لها الموسم الماضي، وحرماتو من المشاركة فمونديال قطر مع المنتخب المغربي.