بعدما قصاو الترجي.. القنصل المغربي فتونس بارك للوداد التأهل لفينال السوبر ليك والفريق شد الطريق للمغرب

شدات بعثة الوداد الرياضي الطريق من تونس إلى المغرب بعدما تأهل الفريق إلى نهائي السوبر ليك الإفريقي على ظهر الترجي التونسي فالدومي فينال فتيران رادس.
ودار القنصل العام ديال المغرب فتونس زيارة لفندق الوداد الرياضي ملي رجعو له بعدما سالا ماتش الترجي، وبارك لبعثة الواك التأهل إلى فينال السوبر ليك الإفريقي.
وبعدما تعشات بعثة الوداد الرياضي خادت الكار من الفندق إلى مطار تونس قرطاج، باش تاخد الطيارة الخاصة اللي غترجعها من تونس إلى المغرب، وسط أجواء حماسية.
وغيبداو الوداد الرياضي يوجدو من اليوم الخميس لفينال السوبر ليك الإفريقي ضد ماميلودي صن داونز الجنوب إفريقي، اللي غيتلعب الذهاب ديالو الاحد الجاي فدونور، والروتور السبت 11 نونبر فجنوب إفريقيا.