الترجي جايين للمغرب باش يلعبو مع الوداد وتأجيل الدومي فينال اللي طلبوه ترفض

غيجيو الترجي التونسي اليوم الجمعة إلى المغرب باش يوجدو لماتش ذهاب دومي فينال السوبر ليك الأفريقي أمام الوداد الرياضي اللي غيتلعب الاثنين الجاي فستاد دونور وطلب الفريق التونسي بتأجيل الماتش ترفض.
ومن المنتظر يوصلو الترجي اليوم الجمعة للمغرب فرحلة جوية جاية من مطار تونس قرطاج لمطار محمد الخامس بالدار البيضاء، وهي رحلة سهرت على توفيرها اللجنة المنظمة للسوبر ليك الإفريقي.
الترجي التونسي كانوا تقدمو بطلب إلى اللجنة المنظمة للسوبر ليك لتأجيل الدومي فينال مع الوداد من الاثنين الجاي حتى الخميس، ولكن هذا الطلب ترفض ماتش الذهاب ملعوب يوم الاثنين 29 أكتوبر فكازا، والروتور يوم الاربعاء 1 نونبر.
وكان الترجي التونسي تأهل إلى دومي فينال السوبر ليك الأفريقي بعدما ربح تيبي مازيمبي الكونكولي فربع النهائي، ودابا غيلعب مع الوداد الرياضي فالدومي فينال، والواك تأهلوا بعدما ربحو إنييمبا النيجري البارح فالربع.