عادل رمزي: الماتش ديال إنييمبا هو أحسن لقاء درنا حتى الآن ودابا دخلنا المعقول (الدومي فينال ضد الترجي)

عبر عادل رمزي مدرب الوداد الرياضي على السعادة ديالو بالرباح على إنييمبا النيجيري بثلاثة لزيرو، والتأهل إلى دومي فينال السوبر ليك الإفريقي، وأكد أن هاد الماتش هو أحسن لقاء للواك هذا الموسم، وبلي دابا الفريق دخل للمعقول في إشارة لمواجهة الترجي التونسي فالدومي فينال.
وتحدث عادل رمزي بعد نهاية ماتش ديال الوداد وإنييمبا وقال: "حققنا المهم فالماتش وهو التأهل، الهدف اللي ماركينا بكري خدم المصالح ديالنا بزاف، حيث عطانا الثقة بالإضافة لدعم الجمهور ودخلنا فالماتش دغيا".
ووضح عادل رمزي: "تحكمنا فالماتش دفاعيا وهجوميا وهذا هو أحسن ماتش للفريق حتى لدابا فالموسم من الناحية التنظيمية، هذا الشي يالاه وصلنا 70٪ من المردود اللي نقدرو نوصلوه".
وأكد مدرب الوداد: "مازال كاينين أخطأ ولكن على العموم تحكمنا فالماتش، ماركينا 3 الأهداف كنا نسجلو كثر، ولافونطاج فالدوزيام ميطا قدرت نريح بعض اللاعبين".
وختم عادل رمزي: "حنا فرحانين بهاد الماتش وهاد الشي غيزيدنا الثقة ولكن بتواضع طبعا، ودابا راه دخلنا للمعقول (الدومي فينال ضد الترجي)".