نقطة من جوج ماتشات اللي بقات للوداد باش يدي البطولة. رباحو للجديدة قربو بزاف من اللقب

نقطة وحدة من جوج ماتشات وتدي الوداد البطولة الثانية على التوالي ديالها. هاد الشي جا بعد فوز صعيب ولكن رباح ضد الدفاع الحسني الجديدي قبل قليل من يومه السبت 25 يونيو 2022 بكازا بجوج لواحد عن الدورة 28 من البطولة الاحترافية.
الوداد بدات الماتش فشي شكل. الجديدة ماركاو البيت الاول فالدقيقة 6 عن طريق مسعود جوما. مبيتزا ماركا التعادل قبل ما يصفر لاربيط على نهاية الميطا اللولى.
الوداد فالبروميار ميطا كان ناقص وكان يمكن للجديدة تماركي شي بيت. فالدوزيام ميطا تحركات الوداد وتحكمات فالماتش. ولكن ما ماركات الرباح حتى الدقيقة 79. امين فرحان فرح الوداديين
دابا الوداد عندها 62 نقطة بعيدة ب6 نقاطي على الراجا اللي جابت رباح من الحسنية بثلاثة لجوج
الاغراءات المالية لمول الزبل الرئيس الجديد للخضرا لنادي الدفاع الحسني الجديدي ما عطات والو.
الوداد ايلى تعادلات مع وجدة فالماتش الجاي البطولة ديالها بلا ما تنسى اخر ماتش ضد الفتح الرباطي فكازا