الأسود حطو رجل فكان الكوت ديفوار. ربحو ليبيريا بجوج لزيرو

الأسود حطو الرجل اللولى فكان الكوت ديفوار. المنتخب الوطني حسم بنسبة كبيرة التأهل للنسخة المقبلة من العرس القاري، بعد ما ربح، مساء اليوم الاثنين 13 يونيو 2022، على ليبيريا بجوج لزيرو فماتش تلعب بمعلب محمد الخامس فكازا. الماتش التانية فالتصفيات المؤهلة لكأس أمم إفريقيا 2023.
البيت للول سجلو فيصل فجر. بلانتي جابو امين حاريث وماركاه فجر. البيت الثاني ماركاه يوسف النصيري. دوز ليه باس زوين أوناحي.
مدرب الاسود وحيد فماتش الاسود ضد ليبيريا لعب بلعابة جداد. دخل من اللول يحيى عطية الله ويحيى جبران لعابة الوداد ومايي ودخل من اللول اوناحي وفيصل فجر.
الشوط الاول كان عيان فكلشي. الميطا الثانية ماركاو جوج. بهاد الرباح الاسود عندهم 6 نقاطي من جوج ماتشات. خاصهم تعادل فجوج ماتشات وها هما فكأس افريقيا للامم بالكوت ديفوار.