شيبا ما عيطش على الموهبة المغربية فبايرن ميونخ أدم أزنو للمونديال وكلشي مستغرب علاش غايب

عرفت لاليست ديال المنتخب الوطني المغربي لأقل من 17 عام المشاركة فكوب ديموند، غياب الموهبة المغربية فبايرن ميونخ أدم أزنو.
وعيط الناخب الوطني سعيد شيبا على 25 لاعب باش يدخلو فالمعسكر الأخير د ليكيب ناسيونال 17 عام فقط، قبل مونديال أندونيسيا وما عيطش على الظهير الأيسر الصاعد فبايرن ميونخ أدم أزنو ولد لاكاديمي ديال البارصا لاماسيا، اللي كلشي كيتنبأ له بمستقبل كبير واختار يلعب للمغرب.
غياب أدم أزنو كيطرح علامات استفهام كثيرة على أسباب استبعاد اللاعب اللي كانت مضاربة عليه الجامعة الملكية المغربية لكرة القدم مع الاتحاد الإسباني، وقدرت الجامعة تقنعو يلعب للمغرب.