سايس: الماتش كان معقد ضد إسبانيا وفرحانين حيث حطمنا روكور المغرب فالمونديال

عبر غانم سايس الكابيتان ديال المنتخب الوطني المغربي على الفرحة ديالو بتأهل ليكيب ناسيونال إلى ربع نهائي كأس العالم قطر 2022، من بعدما ربح فثمن النهائي إسبانيا بركلات الترجيح.
وقال سايس من بعدما سالات المباراة: "الماتش كان معقد ضد إسبانيا اللي كتحكم بزاف فالكرة وهادا هو اللعب ديالها، وكان علينا نسدو عليهم المساحات، حيث هادشي كيكونو خاطرين فيه هما".
وكمل الكابيتان ديال المنتخب الوطني المغربي وقال: "قدرنا نربحو بالبيلانتيات، ونتأهلو لربع النهائي وحنا فرحانين حيث مازال مكملين فكأس العالم، وحطمنا الروكور ديال المغرب فكوب ديموند اللي كان هو ثمن النهائي".