ها علاش ما عيطش الركراكي لإلياس الشاعر

غابوا شي لاعبين عن لائحة المنتخب الوطني المغربي المشاركة فالمبارتين الوديتين ضد البرازيل والبيرو، ومن بينهم إلياس الشاعر وسليم أملاح اللي كانوا مع ليكيب ناسيونال بالمونديال الأخير بقطر.
وخلال الندوة الصحافية ديال الناخب الوطني وليد الركراكي اللي عقدها للاعلان على اللائحة أكد أن سبب غياب إلياس الشاعر وسلم أملاح اللي كانوا فكوب ديموند وكذلك ادم ماسينا هي الإصابات.
وأكد وليد الركراكي أن الباب ديال المنتخب الوطني المغربي مفتوح لجميع اللاعبين ولكن خاصهم يتنافسو يكونوا جاهزين وهو من الجانب ديالو مفروض عليه يحافظ على التركيبة البشرية اللي تكتسبات مؤخرا بتحقيق المركز الرابع فكوب ديموند.