كيوجدو للبطولة.. الرجاء عندهم معسكر تدريبي و2 ماتشات وديين

غيدخلو الرجاء الرياضي فمعسكر تدريبي باش الفريق يبقى واجد وما تمشيش له التنافسية، حيث البطولة الاحترافية موقفة وما غترجع حتى نهاية هاد شهر أكتوبر.
وقرر الألماني جوزيف زينباو مدرب الرجاء الرياضي يدخل الفريق فمعسكر تدريبي وبرمج فيه 2 ماتشات وديين هاد السمانة، الأول من المنتظر يكون ضد شباب السوالم الاربعاء الجاي والثاني ضد اتحاد طنجة السبت الجاي.
وكانوا الرجاء الرياضي لعبو ماتش أميكال أول الجمعة الماضية، ربحو فيه فريق نهضة الزمامرة بنتيجة جوج لزيرو، وكان زينباور عطى فيها الفرصة لعدد من اللاعبين.
للإشارة فالبطولة الاحترافية موقفة، بسبب تاريخ الفيفا، وغتبقى موقفة حتى ليوم 28 أكتوبر، حيث عدد من تيرانات الفرق كيصوبو لهم الكازو والوداد الرياضي مشاركين فالسوبر ليك الأفريقي.