ها جديد الوداد فمراكش: غادي يلعبو 2 ماتشات وديين.. اللول مع بني ملال والثاني مع الهلال السوداني

قرر عادل رمزي مدرب الوداد الرياضي يمدد المعسكر التدريبي للفريق الأحمر بمدينة مراكش لأيام أخرى، ويلعب ماتش أميكال ثالث.
وغيبقاو الوداد الرياضي بمراكش أيام أخرى بعدما كانوا غيرجعو اليوم الأحد إلى الدار البيضاء، وغيلعبو ماتش أميكال آخر غيكون هذه المرة مع فريق رجاء بني ملال الممارس بالقسم الثاني من البطولة الإحترافية، والغرض من هذا المعسكر هو أن عادل رمزي يحدد العناصر اللي غيعتمد عليها بشكل أساسي فالموسم الجديد، مع العلم أن الوك تعادلو البارح السبت بزيرو لزيرو مع اتفاق مراكش فماتش أميكال ثاني، وقبل منها ربح فريق أولمبيك آسفي بواحد لزيرو.
ودائما مع ليماتش أميكو ديال الوداد الرياضي، من المنتظر يلعب الفريق الأحمر ماتش ودي مع الهلال السوداني هنا بالمغرب، وهذا الشي يوم الاثنين 28 ماي، وقبل منها غيكون الوداد بدا ماتشات البطولة الإحترافية يوم الجمعة 25 غشت لمواجهة الفتح الرياضي، وراه الهلال السوداني غيلبعو ماتش أميكال حتى مع الفتح الثلاثاء الجاي.