حينت البطولة موقفة.. الرجاء لاعبين ماتش أميكال باش يبقاو واجدين

غيلعبو الرجاء الرياضي ماتش أميكال غدا الجمعة، باش يحافظو على الجاهزية والتنافسية ديالهم، حيث البطولة موقفة.
الرجاء الرياضي برمجو ماتش أميكال غدا مع نهضة الزمامرة فلاكاديمي ديال النادي فبوسكورة، وهي فرصة للمدرب جوزيف زينباور باش يزيد يوجد الفريق ويلقا حلول للهجوم اللي كيضيع بزاف الفرص.
للإشارة فمنافسات البطولة الاحترافية ما غترجع حتى ليوم 28 أكتوبر الحالي، حيث عدد من التيرانات مسدودين بسبب صيانة العشب، وباش ما يتجمعوش ليماتش على الوداد الرياضي اللي مشارك فالسوبر ليك الأفريقي.