فهم تسطا.. مرات الممثل الميريكاني ويل سميث: متزوجين فالوراق ومطلقين فالواقع من هادي 7 سنين

فواحد التصريح غريب صدم الآلاف من المتتبعين ديالها هي و"راجلها" عبر العالم، قالت أيدا بينيكيت سميث، مرات الممثل الميريكاني المعروف ويل سميث، أنهما مفارقين من عام 2016.
فواحد الحوار ديالها، دارتو الأربعاء، قالت أيدا، أنهما قررو يتفارقو كل واحد يعيش حياتو الخاصة من 2016، واتافقو أنهم ميعلنوش على داكشي ويخليو الوراق ديال الزواج بيناتهم واخا مفارقين.
هاد التصريح يعني أن ويل سميث كان أصلا مفارق مع مرتو بعد التصرفيقة الشهيرة لي مرمق بيها الممثل الكوميدي كريس روك في حفل الأوسكار ديال عام 2022.
وكانت هاد الممثلة الميريكانية علنات في وقت سابق أنها على علاقة غرامية خارج إطار الزواج مع المغني المريكاني أوغوسط ألسينا، في الفترة لي كانت منفاصلة مع راجلها ويل سميث.