باربرا سترايسند بدلات رأيها ف ليدي كَاكَا ومابقاش عاجبها فيلم "آ ستار إيز بورن"

بدلات الممثلة والمغنية الكبيرة الميريكانية "باربرا سرايسند" (Barbra Streisand) رأيها في الممثلة والمغنية "ليدي كَاكَا" اللي مثلات فيلمها "A Star is Born" وقالت أن فكرة تمثيل الفيلم ديالها كانت سيئة.
هاد التصريحات هي متناقضة مع داكشي اللي كانت قالت في 2018 و اللي كانت شكرات فيها ليدي كَاكَا هي وبرادلي كوبر اللي شاركها البطولة ودار الإخراج.
وقالت باربرا أنها ملي عرفات أن الفيلم ديالها غايتم تقديمو كان من المفترض يمثل فيه ويل سميث و بيونسي حيت النسخة كانت غاتكون مبدلة، حسب رأيها.
ووضحات المتحدثة في حوار تلفزي أن النجاح اللي حققو الفيلم مع ليدي كَاكَا ماشي مهم لأنها كاتهتم كثر بالخدمة والأصالة.