الواليدة ديال كريس روك: تصرفيقة ويل سميث بحالا نزلات على وجهي – فيديو

التصرفيقة اللي وقعات فحفلة الأوسكار مازال عليها الهضرة فالعالم، وهاد المرة خرجات الواليدة ديال الكوميدي كريس روك باش تعلق على التصرفيقة اللي خداها ولدها من عند الممثل الميريكاني ويل سميث.
أم كريس روك، "Rose Rock"، قالت فمقابلة تلفزيونية لها مع قناة "WIS-TV" الإخبارية أن التصرفيقة جات فيها هي ماشي غير ولدها، لأن أي واحد كيضر ولدها وكيآذيه كيضرها حتى هي بشكل مباشر.
وقالت أم الكوميدي الميريكاني أنها كانت كتسحاب أن التصرفيقة غير تمثيل بين كريس وسميث وأنهم اتافقو عليها قبل، ولكن فاللخر عرفات أنها صلية ديال بصح ومافيهاش اللعب أو تمثيل.