بسباب التصرفيقة اللي جمعها مع الكوميدي كريس روك.. أكاديمية فنون السينما كتوجد إجراءات تأديبية فحق ويل سميت

التصرفيقة الشهيرة اللي عطاها الممثل العالمي الشهير "ويل سميث" للكوميدي كريس روك، خلال حفل توزيع جائزة الأوسكار، حركات الأكاديمية الأمريكية لفنون السينما وعلومها اللي كتنظم هاد الحفل.
الأكاديمية أكدت باللي باشرات النظر فإجراءات تأديبية فحق الممثل ويل سميث، مشيرة إلى أنها طلبات من سميث باش يغادر الاحتفال بعد الاعتداء ديالو على كريس لكنه مابغاش. هاد الحادث كان صاب الجمهور بالصدمة.
وخرج كريس روك عن صمته وقال باللي مزال كيحاول يفهم شنو وقع، فيما أفادت الأكاديمية فبيان ليها: "إننا وإذ نرغب في أن نوضح أنه طلب من سميث أن يغادر الحفلة لكنه رفض، فإننا ندرك أيضا أنه كان بإمكاننا التعامل مع الموقف بشكل مختلف".