عادل رمزي: بغيت النتيجة والأداء بحالي بحال جمهور الوداد.. كنتيق فالكروب كامل والمهم هو نحافظو على السيستيم واللي جاي صعيب

أكد عادل رمزي أن الوداد الرياضي فريق عندو هوية وخاصو يقدم الأداء والنتيجة والفرجة للجماهير ديالو، وشدد على الثقة ديالو كمدرب فكاع اللاعبين، وأن المهم كلهم يدخلو فنظام اللعب باش ما يبانش الفرق بينهم.
وتحدث عادل رمزي مدرب الوداد الرياضي فتصريح له بعد فوز الفريق على اتحاد طنجة بنتيجة 3 لزيرو فالدورة 6 من البطولة، وقال: "إذا بغيتي تنافس على 4 واجهات، خاص الكروب يكون مستعد، واليوم برهنو لنا اللاعبين اللي دخلو أنهم حتى هما فالمستوى وهذا الشي غيعطينا الثقة اكثر، وأنا كنتيق فاللاعبين ديالنا".
ووضح عادل رمزي: "افتقدنا اليوم للكابيتان يحيى جبران وجونيور صامبو ولكن الدراري اللي دخلو قداو الشغل، بالنسبة للسيستيم راه هو هو وركزت فالتداريب باش حتى اللاعبين اللي ما كيلعبوش نعطيهم أهمية كبيرة فالتداريب باش ملي يدخلو ما نحسوش بالخصاص بيان سير، كل لاعب والكاليطي ديالو ولكن الأساس هو سيستيم ما كنبدلوهش".
وشدد عادل رمزي: "بغيت النتجية والأداء وكنخدم عليهم حيث الوداد فريق اللي الهوية ديالو خاص تكون فيها الأداء والنتيجة ولكن خاص يكون عندك أسلحة كثار حيث الماتشات صعاب وغادي تلعب مباريات على برا، خصوصا ليماتش الدوليين، يعني راه شي مرات غتكون اونبلوك وتلعب ليكونطر أطاك".