رمزي: لاعبين الوداد مركزين مزيان قبل ماتش السد وغنشرفو الفريق فكأس العرب ونديرو نتائج إيجابية

أكد عادل رمزي مدرب الوداد الرياضي أن الفريق مركز مزيان فالتداريب قبل الماتش الأول له فكأس العرب اللي غيكون غدا الخميس أما السد القطري، والحمرا غتدخل هذه المنافسة لتشريف النادي وتحقيق نتائج إيجابية.
وتحدث عادل رمزي مدرب الوداد خلال الندوة الصحافية اللي كتسبق ماتش الفريق مع السد القطري وقال: "اللاعبين مركزين وكيتفاعلو مزيان مع التعليمات وهذا الشي اللي نتمناوه يكون فكأس العرب، كاينين شي حوايج تقنية خدامين عليها باش نبانو بنيفو مزيان كيشرف الوداد فالماتش ضد السد".
وأكد عادل رمزي: "باغيين نديرو نتائج إيجابية فكأس العرب وهذا الشي اللي غنخدمو عليه ماتش ورا ماتش، وبالنسبة اللاعبين الجداد مازال خاصهم الوقت باش يتأقلمو مع الفريق وضروري ما نخلقو الانسجام وسط لكروب ودغيا".