جبران: الأجواء داخل الوداد زوينة قبل ماتش السد وحنا عارفين شنو تابعنا وباغيين نفرحو الوداديين

أكد يحيى جبران لاعب الوداد الرياضي أن الاستعدادات د الوداد الرياضي للماتش الأول فكأس العرب ضد السد القطري دازت مزيان، وأن الفريق الأحمر واجد واللاعبين باغيين يفرحو الجماهير الودادية.
وتحدث يحيى جبران على الصفحة الرسمية د الوداد الرياضي ووصف كيف كيدوز المعسكر التدريبي د الواك بالسعودية تحت إشراف المدرب عادل رمزي وقال: "الاستعدادات كتدوز فأجواء زوينة وحنا اللاعبين خوت وكاينة بيناتنا روح المسؤولية، هذا السيمانة خدمنا على جميع الجوانب ونتمناو يوم الماتش نكونو موجودين".
وزاد وضح الكابيتان د الوداد: "جميع اللاعبين عارفين شنو كيتسناهم والمسؤولية اللي عليهم، ونتمناو نديرو ماتش كبير باش نفرحو جماهير الوداد سوا اللي غتكون فالتيران أو اللي ما قدرتش تجي للسعودية، ونتمناوهم يشجعونا وغنديرو كاع مجهودنا لإسعادهم".
وغيلعب الوداد الرياضي غدا الخميس أول ماتش له في العرب، غيكون ضد السد القطري برسم الجولة الأول من المسابقة، وبعدها غيلعب مع أهلي طرابلس الليبي، والهلال السعودية.