عادل الرمزي: الأجواء زوينة فمعسكر الوداد بالسعودية.. كأس العرب مهم عندنا وهدفنا نفرحو الوداديين

أكد عادل رمزي مدرب الوداد الرياضي أن الأجواء داخل معسكر الفريق بالسعودية مزيانة قبل انطلاق كأس العرب، أو الكروب كيوجد باش يشرف النادي واخا الظروف صعبة، ولكن الهدف هو أنه كمدرب واللاعبين ديالو يفرحو الجماهير الودادية.
وكشف عادل رمزي فتصريح له غير دابا على الصفحة الرسمية دالوداد الرياضي كيفاش كيدوز الواك الاستعدادات بمدينة أبها السعودية وقال: "الأجواء زوينة داخل الفريق والظروف جيدة، وكل شي متوفر وكنحاولو نتأضابطاو مع الجو والطقس حيث كاين مشكل د الأوكسجين بسبب العلو على سطح البحر، ما كانش عندنا الوقت بالسبب الظروف لا فكازا ولا هنا بالسعودية ودابا كنستعد وكندير الرؤية ديالي للطريقة د اللعب حيث عندنا هذا الكاس مهم".
وكمل عادل رمزي وقال: "الدراري مستعدين وبغاو يتعلمو والمشروع مهم وكنحاولو نبدلو حتى العقلية والطريقة وهذا الشي بوحدي ما غنقدرش نديرو، ولكن الناس اللي مسؤولين معيا كيعطيوني الدعم وحتى اللاعبين مساندني ونتمناو بالظروف اللي كاينة هنا نقدمو مستوى مشرف، ومن الدوافع اللي خلاتني نجي للوداد الرياضي هو الجمهور، ووعدت راسي وجمهور الوداد باش ندير أقصى ما يمكن باش نفرحهم ونقدمو مستوى مزيان، وماشي غير كأس العرب ولكن حتى ليكومبيتسيون اللي جايين، حيث كأس العرب الظروف فيه صعبة ولكن غنديرو اللي فجهدنا".
وكيوجد الوداد الرياضي باش يلعب كأس العرب بالسعودية، أول ماتش له فدور المجموعات غيكون الخميس الجاي ضد السد القطري، ومن وراه أهلي طرابلس الليبي، والهلال السعودي.