الوداد بداو المعسكر فالسعودية وعادل رمزي واللاعبين خالقين أجواء زوينة (تصاور)

بدأ الوداد الرياضي المعسكر التدريبي بالسعودية اليوم الأحد، استعدادا لكأس العرب، اللي غيلعب الماتش الأول ديالو الخميس الجاي.
دار الوداد الرياضي أول حصة تدريبية بمدينة أبها السعودية فين داير المعسكر التدريبي ديالو، تحت إشراف المدرب الجديد عادل رمزي اللي سنا رسميا البارح بكازا العقد ديالو مع رئيس الفريق سعيد الناصيري، قبل ما يشد الطائرة هو اللاعبين من المغرب إلى السعودية.
الأجواء دابا داخل الوداد الرياضي زوينة بزاف، وحتى الحصة التدربية كانوا فيها اللاعبين ناشطين مع الطاقم التقني الجديد، وكيبان أن رمزي غيقدر بسرعة يتأقلم معهم سوا العناصر اللي كانت أو اللاعبين اللي يالاه جاو هذا الصيف.
وكيوجد الوداد الرياضي دابا لدور مجموعات كأس العرب بالسعودية، واللي غيلعب فالماتش الأول ديالو مع السد القطري الخميس الجاي.