جبران: حنا عائلة فالوداد والمغاربة كاملين معنا وغنفرحوهم فالموندياليتو

اكد يحيى جبران لاعب الوداد الرياضي أن الفريق جاهز لمواجهة الهلال السعودي غدا السبت فربع نهائي كأس العالم للأندية، والهدف ديالهم يربحو ويفرحو المغاربة.
وكشف جبران قائد الوداد أجواء استعدادات الفريق من خلال فيديو نشرو النادي وقال: "حنا عائلة فالوداد وراه خدمنا على جميع الجوانب اللي غنحتاحو فالماتش ضد الهلال السعودي وانتمناو غدا نكونو فنهار فالماتش اللي غيكون كبير خصوصا وأن البطولة فالمغرب والجماهير المغربية غتكونش كلها ودادية".
وكمل جبران وقال: "الظروف كلها كانت متاحة لنا فالاستعدادات لكأس العالم للأندية ودابا العمل علينا حنا فالتيران ونتمناو نكون واجدين دهنيا وبدنيا والهدف ديالنا ندخلو الفرحة على جميع الوداديين والمغاربة".
وختم جبران وشدد: "اللاعبين كاملين ديال الوداد واعيين بالمسؤولية اللي عليهم وعارفين شنو كيتسناهم وماتش فحال هذا كلشي موجد له وغدا فالماتش غنترجمو العمل اللي درنا هاد الاسبوع ونحققو نتيجة ايجابية".