اللاعبين ديال الوداد كيتدربو وسط أجواء حماسية وناشطين وها جديد حالة أيمن الحسوني

خاض الوداد الرياضي هاد العشية حصة تدريبية جديدة بمركز محمد السادس لكرة القدم بالمعمورة استعدادا لماتش ربع نهائي كأس العالم للأندية السبت الجاي، أمام الهلال السعودي.
الوداد دار حصة تدريبية وسط أجواء حماسية وتركيز كبير من اللاعبين والطاقم التقني ديال الفريق بقيادة المدرب المهدي النفتي اللي ركز على الجانب التكتيكي والبدني، وكانوا اللاعبين ناشطين وكاملين تدربو وسط لكروب إلا الحسوني اللي كان غير كيجري فالتيران بوحدو بدون ما يتدرب مع المجموعة حيث حس بشي آلام من بعد ماتش الفتح الماضي وفضل الطاقم التقني أنه يخيله يتدرب بشكل خفيف.
وغادي يدير الوداد الرياضي غدا آخر حصة تدريبية قبل ماتش الفريق مع الهلال السعودي فربع نهائي كأس العالم للأندية، وهو الماتش اللي غادي يبدا نهار السبت الجاي مع 3 ونص ديال العشية فتيران المجمع الرياضي الأمير مولاي عبد الله بالرباط.