ها كيف دازت الحصة التدريبية الأخيرة ديال المنتخب قبل الدومي فينال ضد فرنسا

سالا المنتخب الوطني المغربي الاستعدادات ديالو لماتش نصف نهائي كأس العالم قطر 2022، غدا الأربعاء ضد منتخب البرتغال فتيران البيت فالعاصمة القطرية الدوحة.
ودار المنتخب الوطني المغربي هاد العشية، اخر حصة تدريبية قبل المبارة ضد البرتغال، وركز وليد الركراكي مدرب المنتخب الوطني والطاقم التقني ديالو فهاد الحصة التدريبية ديال اليوم على وضع آخر اللمسات على المجموعة قبل الماتش، وكانت الأجواء فالحصة حسب ما شاف موقع "كود" حماسية وسط لكروب واللعابا ناشطين ومركزين على الاستعداد للماتش ضد فرنسا، والمعنويات مرتفعة عندهم.
وعرفت الصحة غياب واحد بالنسبة للعابا ديال المنتخب الوطني المغربي وكيتعلق الأمر بكل بالمدافع نايف أكرد، فالوقت اللي رجع غانم سايس كيتدرب بشكل تدريجي مع لكروب، وتدرب أشرف حكيمي ويوسف النصيري ونصير مزراوي كل واحد بوحدو.
وغادي يبدا ماتش المغرب وفرنسا وغدا مع 8 الليل، ومعول المدرب وليد الركراكي واللعابا ديال المنتخب الوطني على الفوز ضد فرنسا وتحقيق تأهل تاريخي لمهائي كأس العالم قطر 2022، ويزيد يزكي به التأهل غير المسبوق اللي حقق للنصف والربع على حساب البرتغال وقبل منها إسبانيا.