فاندنبروك: حنا واجدين للفينال ضد الأهلي والوداد داخلة تربح وتدي العصبة

أكد زفين فاندنبروك مدرب الوداد الرياضي أن الفريق واجد باش يلعب فينال عصبة أبطال إفريقيا غدا الأحد ضد الأهلي المصري، وأن اللاعبين د الحمرا موتيفين قادرين يربحو ويخليو لاكوب فالمغرب.
وتحدث زفين فاندنبروك فالندوة الصحافية اللي كتسبق ماتش الوداد الرياضي والأهلي المصري وقال: "الماتش مهم لنا كاملين، وراه هنا موتيفين باش نلعبو الفينال، الهدف اللي ماركيناه خارج المغرب بدل كلشي، وجدنا وتدربنا فأجواء مزيانة، وحنا مركزين مزيان بالمقارنة مع ماتش الألي، وهذا الشي كيعني بلي كنستاهلو نتيجة إيجابية".
وكمل زفين فاندنبروك: "غدا كل شي غيكون ماتش مختلف حيث غنلعبو على فتيرانا وضد جمهورنا، وهذا الشي غيبدل شي حوايج، ولكرينتا ما غتبدلش، السر ديال لكروب عندنا هو فاللاعبين أنفسهم، أنا راه نقدر نعطي بعض النصائح للاعبين ولكن هم اللي بيدهم كلشي".