زكرياء بوخلال توعت مع تولوز الفرنسي

توعت الدولي المغربي زكرياء بوخلال فالماتش ديال فريقو تولوز الفرنسي مع روايال يونيون البلجيكي، البارح الخميس، ضمن منافسات اليوروبا ليك، وما قدرش يكمل المباراة.
وكشف الإسباني كارلوس مارتينيز مدرب تولوز الفرنسي فتصريح له، أن الخروج ديال زكرياء بوخلال بكري فالشوط الأول من الماتش أمام رويال يونيون كان بسبب الإصابة، وقرر يدير له تغيير فالدقيقة 40، ودخل فبلاصتو فرانك ماكري، حيث بان له بوخلال موعت وما يقدرش يكمل المباراة.
مدرب تولوز أكد ان زكرياء بوخلال غيدير فحوصات طبية وبناء على نتائجها غيعرفو شنو نوع الاصابة اللي عندو وخطورتها، وشحال غيخصو د الوقت باش يتعالج ويرتاح، مع العلم ان اللاعب مهم بالنسبة للفريق وكيتعتبر من الركائز ديالو.