مزراوي مالاعبش ضد بلجيكا وعطية الله غادي يكون بلاصتو

غادي يكون يحيى عطية الله هو الخيار عند وليد الركراكي مدرب المنتخب الوطني المغربي فالجهة اليسرى ضد منتخب بلجيكا الماتش الجاي فالجولة الثانية من كأس العالم قطر 2022، حيث نصير مزراوي موعت.
مصدر مطلع كشف بلي الفحوصات اللي دارت لنصير مزراوي بينت بلي اللعاب خاصو يرتاح الأيام اللي جايا، وما غاديش يقدر يلعب الأحد ضد بلجيكا بسبب الإصابة اللي عندو فلاهونش.
وكان نصير مزراوي خرج موعت فماتش المنتخب الوطني المغربي ضد كرواتيا من بعدما ضرب واحد الكرة براسو على مرمى كرواتيا وطاح على الجنب ديالو ليسر، ودخل فبلاصتو يحيى عطية الله ودار ماتش مزيان.