أبوخلال واخا توعت شد الطريق لعند المنتخب فقطر وهاشنو غادي يديرو له

من المنتظر يخضع الدولي المغربي زكرياء أبو خلال للفحص الطبي من طرف الطاقم الطبي ديال المنتخب الوطني المغربي قبل ما يشارك فكأس العالم، من بعدما توعت البارح السبت فماتش فرقتو تولوز ضد رين فبطولة الصبليون.
وكشف فريق تولوز اللي كيلعب فيه زكرياء أبو خلال أن النجم المغربي اللي توعت فالفخذ ديالو، شد الطريق باش يلتحق بصفوف المنتخب الوطني المغربي فقطر، وأما غادي يخضع للفحص من طرف الطاقم الطبي ديال ليكيب ناسيونال.
وتعرض الدولي المغربي زكرياء أبو خلال البارح للاصابة، وطلب التغيير ديالو من بعدما سالا الشوط الأول من ماتش فرقتو تولوز ضد رين وما كملش اللقاء، مع العلم أن أبوخلال من العناصر اللي معول عليها وليد الركراكي فكأس العالم.