مدرب أوساسونا: ها الحالة الصحية ديال عبد الصمد الزلزولي

أكد مدرب جاكوبا أراستي مدرب فريق أوساسونا الصبليوني إصابة الدولي المغربي عبد الصمد الزلزولي، اللي خرج من بعدما دازت دقائق قليلة على بداية ماتش الفريق ضد جيرونا البارح الأحد فبطولة الصبليون.
وكشف مدرب أوساسونا، أن عبد الصمد الزلزولي عندو مشكل فالميسكل وحس بالألم فالحصة ديال التسخينات، داكشي علاش قرر هو والطاقم الطبي ديال الفرقة يخرجوه مع بداية الماتش.
مدرب أوساسونا قال على أن عبد الصمد الزلزولي غادي يخضع لفحوصات طبية فالساعات المقبلة، للتأكد من الإصابة واش عندو فالفخذ ديالو أولا عندو إصابة فبلاصة أخرى.
وكان عبد الصمد الزلزولي خرج موعت من ماتش أوساسونا وجيرونو، من بعد ما انطلقت المواجهة بشي 8 دقائق تقريبا، حيث حس بالألم الأمر اللي خلا الجمهور ديال أوساسونا خايف وأيضا جمهور المنتخب الوطني المغربي حتى هو متخوف حيث اللعاب مهم فليكيب ناسيونال ومن العناصر اللي معول عليها باش تشارك فكأس العالم.