متحف متروبوليتان فنيويورك قرر يرجع الأثار لبلدانها الأصلية

المتحف ديال متروبوليتان لي كاين فنيويورك، رجع جوج ديال القطع الأثرية لليمن، وهادي شوية من الآثار والتحف الفنية لي رجعها لبلدانها الأصلية.
واخا رجعوهم لليمن، هاد المتحف غايكمل العرض ديالهم فالمجموعة ديالو، والسفير ديال اليمن لي كاين فالولايات المتحدة محمد الحضرمي، قال أنه دابا ماشي الوقت المناسب فاليمن باش يرجعو ليها هاد القطع الأثرية.
وفهاد الأعوام الأخيرة، "متروبوليتان" وبزاف ديال المتاحف فالولايات المتحدة وبلايص أخرى وافقو باش يتعاونو مع القضاء ويرجعو بزاف ديال القطع والأعمال الفنية لي المهربين استغلوا الحروب والثورات وباعو وشراو فيها ديال بصح.