البركاوي وفوزير كانو خاسرين بثلاثة لزيرو وكانو غيقلبوها صباط على شكون يلعب بيلانتي كون ما تدخل كريستيانو

عرف ماتش النصر السعودي والرائد البارح السبت، ضمن منافسات دوري روشن السعودي، واقعة فريدة أبطالها جوج لاعبين مغاربة والنجم البرتغالي كريستيانو رونالدو.
وفاللحظات الاخيرة من الماتش بين النصر والرائد تحصل الاخير على بيلانتي، وهما يتناقشو عليه لاعبي النصر المغربيين كريم البركاوي ومحمد فوزير، واختلفو على شكون غيلعبها وبداو يتجابدو قبل ما يتدخل البرتغالي كريستيانو نجم النصر (الفريق الخصم) وحل المشكل.
وملي تدخل كريستيانو رونالدو، خلا كريم البركاوي الكرة لمحمد فوزير باش يضرب البلانتي، وقد يماركيه وقلص للرائد النتيجة اللي سالات لمصلحة النصر بثلاثة لواحد، وبعدها فرح البركاوي مع فوزير بالهدف اللي ماركا.