زينباو مدرب الرجاء: عارفين الفرق بينا وبين النصر.. كريستيانو مكينة ديال البيونا وغنقدمو أحسن ما عندنا

عبر الألماني جوزيف زينباو مدرب الرجاء الرياضي على الاحترام ديالو للنصر السعودي والنجوم اللي عندو وأولهم البرتغالي كريستيانو رونالدو قبل من ماتش الفريقين غدا الأحد فربع نهائي كأس العرب بالسعودية، ولكن أكد أن ممثل المغرب إفريقيا قادر أنه يربح ويتأهل إلى نصف نهائي البطولة.
وتحدث زينباو قبل ماتش الرجاء الرياضي والنصر السعودي وقال: "حنا عارفين القيمة التسويقية ديال لاعبي النصر، وبلي ما كاينة حتى مقارنة بينا وبينهم فهاد الشي، كريستيانو رونالدو كيماركي ماتش ورا ماتش للنصر راه بوحدو مكينة ديال البيوت ما كيمكنش توقفو، ويقدر يعطي للفريق السعودي الرباح، وما ننساوش القيمة ديال ساديو ماني وفوفانا حتى هما".
وأكد مدرب الرجاء قبل ماتش النصر: "كلشي بيد الكروب والخدمة ديالنا، ممكن نمشيو لضربات الترجيح ونرجعو ندافعو قدامهم، ونشوفو شنو غيديرو هما، وحتى حنا شنو غنديرو، وتقدر تجينا فرص نماركيوها، وعارفين أن الماتش غيكون صعيب ضد النصر، وغنعطيو أحسن ما عندنا".