لاعبين المنتخب الأولمبي: كنطلبو المغاربة يشجعونا فكأس إفريقيا لأقل من 23 عام باش نفرحوهم ونشرفو المغرب

عبرو اللاعبين ديال المنتخب الوطني المغربي الاولمبي على الرغبة ديالهم فتحقيق كأس إفريقيا لأقل من 23 عام "موروكو 2023′′، وطلبو من الجماهير المغربية المساندة والتشجيع.
وقال ابراهيم صلاح لاعب المنتخب المغربي لاقل من 23 عام فتصريح لموقع الجامعة الملكية المغربية لكرة القدم: "حنا دابا كنوجدو مزيان فاللحظات الأخيرة، وكنخدمو ودايرين الجهد ديالنا باش نكونو واجدين وكنتسناو الجمهور يجي يشجعنا باش نلعبو مزيان فدارنا وغنديو مجهودنا باش نفرحو لبلاد".
أيمن الوافي لاعب المنتخب الأولمبي حتى هو عندو نفس الرغبة وقال فتصريح له: "كنوجدو للماتش الأول ضد غينيا، وهذا الماتش غيكون صعيب ولكن حنا غنديرو اللي فجهدنا باش نربحوه ونفتاتحو بجيدة كوب دافريك، وكنطلبو من الجمهور ديالنا يساندنا ويعاونا باش نفرحوه".