شيبا: الفينال صعيب ضد السنغال حيث منتخبهم قوي وهدفنا نربحو الكاس وإسعاد المغاربة

أكد الناخب الوطني سعيد شيبا مدرب المنتخب المغربي للفتيان، أن الأشبال غيدخلو ماتش فينال كوب دافريك لأقل من 17 عام ضد السنغال غدا الجمعة بالعاصمة الجزائرية، باش يربحو ويديو اللقب ولو أن المباراة غتكون صعيبة مع السنغاليين.
وتحدث الناخب الوطني سعيد شيبا خلال الندوة الصحافي اللي كتسبق فينال كأس إفريقيا بين المغرب والسنغال وقال: "الهدف ديالنا هو التتويج بكأس إفريقيا، واخا الماتش غيكون صعيب وضد منتخب اللي قوي ومحترم، ولكن حنا واجدين باش نديرو ماتش كبير ونربحو الكأس ونفرحو المغاربة".
وكمل شيبا وقال: "السنغال منتخب مزيان وعندو مواهب كنعرفوهم وكيعرفونا، حنا كنختالفو فطريقة اللعب وكنقدرو نتأقلمو مع طبيعة أي خصم، وكنحترمو السنغاليين ولكن غنلعبو باش نربحو الماتش ونديو الكاس".