الطفل الرجاوي اللي ماتت له عائلتو فزلزال الحوز جا لكازا وغيبدا حياتو الجديدة وسط عائلتو فالرجاء

غيبدا الطفل ياسين اللي ماتت له عائلتو فزلزال الحوز، اليوم الجمعة، حياتو الجديدة وسط عائلتو الجديدة فالرجاء الرياضي.
وغيدخل الطفل ياسين اليوم أكاديمية الرجاء الرياضي فمنطقة بوسكورة نواحي الدار البيضاء، باش يكمل قرايتو ويلعب كرة القدم، ضمن برنامج رياضة ودراسة ديال النادي، بعدما قرر الرجاء برئاسة محمد بودريقة التكفل به ضمن حملة التضامن للتخفيف من أثار فاجعة زلزال الحوز على ضحاياه.
وكان الطفل ياسين بان فواحد الفيديو، وهو كيبكي حيث ماتو له عائلتو وخوتو فالزلزال اللي ضرب الحوز الجمعة الماضي، وكان لابس توني ديال الرجاء الرياضي ومن بعدها مباشرة تحركو الرجاويين وعلى راسهم محمد بودريقة رئيس النادي وقلبو عليه باش يجيبوه لاكاديمية النادي يتكفلو به ويبدا حياة جديدة.