الرجاويين دايرين حملة لإنقاذ مستقبل طفل رجاوي ماتو له والديه فزلزال الحوز وكيطالبو بودريقة يتدخل

تحركت جماهير الرجاء الرياضي باش تعتق مستقبل واحد الولد رجاوي، ماتو له جميع أفراد عائلتو فزلزال الحوز اللي ضرب المغرب الجمعة الماضي.
وظهر واحد الطفل فمنطقة جبلية لابس توني ديال الرجاء الرياضي، فواحد الفيديو ومعه 2 ديال الناس كيهضرو فبلاصتو وقالو أنه ماتو له والديه وخوتو فالزلزال وما بقى عندو حتى حد فهاد الدنيا، وطلبو شي واحد يعاونو باش على الأقل يكمل قرايتو.
وعلى الفور تفاعلت جماهير الرجاء الرياضي مع الطفل وطلقت حملة على مواقع التواصل الاجتماعي، وطالبت إدارة النادي برئاسة محمد بودريقة التدخل لإنقاذ مستقبل الولد الصغير.